КАДЕ ТРЕБА ДА ГИ ДРЖИТЕ БАНАНИТЕ? На кујнскиот пулт или во фрижидерот?

Бананите се омилено овошје на многумина. Често ги чуваме на шанкот во кујната, за да бидат секогаш достапни за ужина. Но, каде е најдоброто место за складирање на ова омилено овошје – на кујнскиот пулт или во фрижидер?

Едноставно, бананите треба да се стават во фрижидер само откако ќе созреат колку што сакате. Според експертите, бананите може да се чуваат на кујнскиот пулт додека не созреат, а потоа да се чуваат во фрижидер уште најмалку два дена или додека кожата не им поцрни.

Доколку сакате да го продолжите рокот на траење на бананите, постои едноставен трик – излупете ја бананата кога е зрела и ставете ја во кеса за замрзнување или во херметички сад и ќе трае до еден месец.

Времето на ладење е клучно

Сигурно сте забележале дека бананите не се чуваат во фрижидер на пазар и во маркети. Имено, ако прерано ги ставите бананите во фрижидер, тоа многу лесно може да доведе до неколку промени – бананите би можеле да добијат горчлив вкус, да ја сменат бојата и на крајот да не созреат до крај.

Избегнувајте банани со испукана кожа

Обрнете посебно внимание на оние банани кои имаат голем број темни дамки или пукнатини на кората. Според експертите, тоа би можело да значи дека тие се веќе скршени или дека наскоро ќе се расипат. Покрај тоа, испуканата кожа на овошјето може да биде загадена со разни микроби. Исто така, се препорачува да се фрли банана која е главно црна, многу мека или има непријатен мирис.