Војвотката од Кембриџ Кејт Мидлтон и нејзината свекрва Меган Маркл со години имаат необична врска, за која долго се пишува, се зборува и коментира, а нивните конфликти и кавги секогаш се во центарот на внимание.
Сè започна (но и кулминираше) на венчавката на Меган Маркл и принцот Хари во мај 2018. Како што прво беше напишано, Кејт се расплака поради фустанот што требаше да го носи нејзината ќерка, принцезата Шарлот.
„Кејт штотуку го роди принцот Луис и беше многу емотивна“, изјави тогаш извор за Дејли Мејл.
Меган одговори три години подоцна со изјава во интервју за Опра Винфри и истакна дека не плачела Кејт – туку таа.
– Не не. Се случи спротивното. И не го велам тоа за да омаловажам никого, бидејќи беше навистина напорна недела пред свадбата и таа се нервираше поради нешто, но таа го сфати тоа и ми се извини. Mи донесе цвеќе и порака, со извинување. Таа го направи она што јас би го направилa ако знаев дека повредив некого, само за да преземам одговорност за тоа.
Бакингемската палата никогаш не ги негираше наводите на Меган, иако тие ретко одговараат на озборувања за семејните односи, дури и кога ги започнале самите членови.
Сепак, иако на почетокот и беше доста тешко поради наводите на Меган, како што сега пишуваат медиумите, на Кејт веќе и е смачено да тврди дека ја расплакала Меган за време на расправијата за фустаните на малите деверици.
Според Ингрид Севард, експерт за кралското семејство, Кејт нема да го заборави однесувањето на Меган, но нема да сака да продолжи со конфликтите кога конечно ќе се сретнат.
– Сигурно ќе ги фотографираат како се гушкаат и се бакнуваат, бидејќи Кејт знае дека нема смисла да се продолжи со кавгата. Тоа мора да е дел од нејзината работа – изјавила за Дејли Мејл.