Иако мислите дека со прскање парфем на зглобовите и вратот, го нанесувате парфемот на местото на пулсот, кој зрачи дополнителна топлина и на тој начин го засилува мирисот, постои едно место на телото кое ќе го ’задржи’ мирисот на кожата подолго.
Имено, според експертите, местото каде што треба да нанесуваме парфем е папокот. Само една капка парфем во папокот совршено ќе го распореди мирисот по целото тело и ќе ја одржи неговата долговечност.
Актерките Лив Тајлер и Адријана Лима се добро запознаени со овој трик и со години се колнат во него, откривајќи ја својата тајна за секогаш опоен мирис.
Прочитајте понатаму за дополнителни совети од експертите за мириси кои ќе направат вашиот омилен парфем да мириса подолго на вашата кожа.
Мирисот се нанесува зад увото, на зглобовите, во внатрешниот дел на лактот и над коленото. Некои практикуваат да прскаат парфем во воздух и да минуваат низ него, но тоа навистина не е добра тактика.
Колку што е можно подолго, треба да се нанесува директно на кожата. Исто така, многумина од нас нанесуваат парфем на едниот зглоб и тријат со другиот за да се впие мирисот. Токму тоа треба да се избегнува. Имено, на тој начин се создава триење кое поттикнува создавање на топлина, што значи дека парфемот побрзо ќе испари од површината на кожата.
Пред тоа најдобро би било редовно да правите пилинг на кожата за да ги отстраните сите мртви клетки, а потоа да нанесете лосион за тело, по можност со масло или само да ја хидрирате кожата со малку масло. Парфемите одлично се комбинираат со масла и помагаат да се изразат на нашата кожа. Секако, ако можете да користите лосион или масло со ист мирис како вашиот парфем, или од истата линија, ќе го подобрите мирисот.