Милијардерот Илон Маск покрил речиси половина од донацијата на поранешната жена на Џони Деп, Амбер Херд, за Американската унија за граѓански слободи, откако актерката вети дека ќе им ја донира милионската спогодба што ја доби по разводот за добротворни цели.
Имено, поротниците вчера на судењето на Деп и Амбер слушнаа дека актерката досега платила само 1,3 милиони долари од 3,5 милиони што ги ветила на ACLU пред речиси шест години, а парите на Илон сочинуваат голем дел.
Милијардерот и основач на Tesla, Илон Маск, даде 500.000 долари на група за граѓански права во име на Амбер, откако тие двајца почнаа да се забавуваат по нејзиниот развод со Деп во 2016 година.
Теренс Даурти, главен оперативен директор и јавен обвинител на ACLU, сведочеше на судењето во четвртокот, велејќи дека ветената донација за организацијата сè уште не е целосно исплатена. Се зборува дека досега Херд или некој во нејзино име платил вкупно само 1,3 милиони долари.
Од тие пари Херд платила 350.000 долари директно, додека Деп платил 100.000 долари, а уште 350.000 долари биле исплатени од фондот Фиделити.
Уште една уплата од 500.000 долари е уплатена од сметката на компанијата „Вангард“, за која Даурти рече дека „верува дека се работи за фонд основан од Илон Маск“.
Даурти рече дека има документ и мејлови што им ги дале на адвокатите во случајот со пари.
Тој рече дека организацијата „ACLU“, врз основа на мејловите со Маск, сфатила дека донацијата на Херд од 3,5 милиони долари ќе биде целосно исплатена во следните 10 години.
Да потсетиме, Херд вети дека ќе даде половина од парите на ACLU за поддршка на работата во „борбата против насилството врз жените“, а останатите 3,5 милиони долари на Детската болница во Лос Анџелес.