Актерката наскоро ќе го прослави својот 80-ти роденден
Многу генерации ја следеа популарната серија „Династија“ и секоја нова епизода ја чекаа со нетрпение. Една од најубавите жени и актерки во тоа време беше Линда Еванс, која го толкуваше ликот на Кристал Карингтон. Оваа серија и донесе неверојатна популарност и бројни награди на актерката.
Линда стана поп икона во осумдесетите заедно со актерката Џоан Колин, а и денес многумина се сеќаваат на нејзината софистицирана убавина и добрината на верната Кристал.
Актерката го освои светот со своите неверојатни сини очи, а сите беа воодушевени како таа прекрасно старееше, но сето тоа се промени во 2017 година кога се појави видеото од нејзиното апсење.
Линда, која со години има проблеми со зависноста од лекови против болки, беше уапсена во 2014 година за брзо возење под дејство на опијати, кога на задното седиште од нејзиниот џип бил пронајден куп таблети. Тогаш настанало и контроверзно видео на кое таа не носи шминка и очигледно е под дејство на некои супстанци, но вешто е криено следните три години.
Актерката со години страдаше од неописливи болки во грбот, кои беа толку силни што на моменти помислувала да си го одземе животот. Тоа ја натерало прекумерно да користи медицински средства.
Покрај тие физички болки, со години трпела и депресија, а подоцна поради терапија и агресивно лекување на проблеми со грбот се соочила со опаѓање на косата поради што морала да носи перика.
Инаку, Линда претрпе удари и на емотивен план – зад себе има два разводи. Нејзиниот прв сопруг Џон Дерек ја остави за 30 години помлада љубовница, а се разведе и од вториот сопруг Стен Херман. Имаше бурна едногодишна врска и со музичарот Јани, кој ја поттикна да подлегне на естетски операции.