Ќе изгледате како милион долари
Ако излегувате на дочек, веројатно сте во полн ек кога се во прашање подготовките.
Можеби бирате комбинација за новогодишната ноќ, закажувате шминка и фризура.
Сепак, се случува на крајот на годината да не сме баш добри со инспирацијата, особено ако скоро сме имале некои прослави за кои исто така требало празнично да се дотераме.
Затоа можеби ќе ви требаат овие совети.
За Нова година, дозволено е да ја пуштите вашата фантазија и да експериментирате. Заборавете на класиката, облечете се онака како што отсекогаш сте сакале, но некако секогаш сте го избегнувале тој стајлинг.
Ако сте вечно во тесни панталони, сега изберете некои пошироки, или пак, здолниште.
Време е да излезете од вашата комфорт зона кога станува збор за облекувањето. Исто така, дозволено е се што е блескаво, што свети, и големи и мали детали.
Доколку сте останале без идеи, ви предлагаме да изберете еден од овие четири аутфити за новогодишната ноќ.
- Свечени панталони со длабок струк и корсет
- Длабоко здолниште и ролка
- Шик фустан
- Комбинезон
