Доколку ви здодеаа класичните колачи, имаме предлог за вас.
Зошто да не направите едноставен и сочен колач со бисквити, гриз и јаткасти плодови.
Додадете јаболка и чоколаден прелив и добивате супер слатко.
Подготовката е брза, а вкусот е одличен.
Пробајте го и уверете се сами!
Состојки:
3 јајца
50 гр. шеќер
2 јаболка исечкани на коцки
100 гр ореви
100 гр чајни колачиња
100 мл масло
200 мл млеко
2,5 чаши гриз (од по 200 g)
1 прашок за пециво
100 гр чоколаден прелив (по избор)
Подготовка:
Јајцата се матат со шеќерот, па се додава гризот со прашокот за пециво.
Измелете ги чајните бисквити со ореви и додадете ги во јајцата, додадете масло, млеко и јаболка исечкани на коцки. Изедначете сè лесно.
Плехот за печење со димензии 30 × 18 намачкајте со масло и посипете го со брашно. Истурете го тестото во плех со димензии 30 x 18 cm и израмнете го.
Се пече на 200 степени околу 45-50 минути. По желба намачкајте со чоколадо.
Погледнете чекор по чекор инструкции за подготовка: