Пејачот на Iron Maiden, Брус Дикинсон изјави дека сака бендот да го замени доколку открие дека повеќе не може да пее. Во ново интервју рокерот изјави и дека би сакал да се изјасни при изборот на замена.
– Ако утре вечер не можам да испеам повеќе од четири песни, би сакал момчињата да продолжат и јас да можам да ја изберам мојата замена. Одвреме-навреме ќе ја „пикнам главата“, а другото ќе го прави другиот пејач – изјавил Брус Дикинсон за „Дејли стар“ и додал:
– Кога ќе го погледнете Кит Ричардс, кој боледува од артритис, не е во топ форма секоја вечер, но го поддржуваат други гитаристи. Ова е Ролинг Стоунс. Мислам дека тоа никому не му пречи. Во секој случај, сè што кажав нема да се случи – изјави рокерот, пренесува NME.
Тој се осврна на холографскиот настап на групата АББА и изјави дека не ја разбира неговата поента.