Во октомври минатата година, канадската музичка дива Селин Дион ги растажи и ги загрижи обожавателите ширум светот кога ги откажа долго најавуваните концерти во Лас Вегас, а неодамна мораше да го откаже и продолжението на турнејата Courage, која е планирана за Северна Америка. Причината се нејзините здравствени проблеми кои, според зборовите на нејзината пријателка, ја врзале за креветот.
Селин веќе извесно време боледува од, како што пишуваат медиумите, „тешки и постојани грчеви во мускулите“, а состојбата не ѝ се подобрува. Покрај тоа, пејачката се чувствува полошо.
– Се чини дека никој не знае што не е во ред. Таа е апсолутно скршена што мораше да ги откаже концертите, многу е вознемирена поради оваа ситуација. Отсекогаш била здрава, па ова е вистинска пресметка за неа. Нејзиното семејство се опоравува од почетниот шок, особено нејзините три сина, кои го загубија таткото пред шест години – истакна неименуваниот пријател на Селин.
Според News.in, таа повеќе не може да стане од кревет, а нејзината пријателка истакнала дека болката во нозете и стапалата со кои се бори пејачката е толку силна што целосно ја парализира. Селин, како што додала, нагло ослабела, па ѝ станува се потешко да се грижи за децата.
Неодамна беше откриено дека работата на пејачката донекаде придонела за влошување на нејзината состојба.
– Сака да настапува на највисоко ниво, а нејзиниот напорен распоред би го оштетил секого. Таа е силна, но не е Супермен – истакнал неименуван извор близок до Селин Дион.
Таа неодамна им се обрати на своите фанови на Инстаграм, истакнувајќи дека е оптимист.
– Мислев дека до сега ќе закрепнам, но се чини дека морам некое време да ги слушам советите на лекарот и да бидам трпелива. Едвај чекам да оздравам и да се вратам, како на секојдневието, така и на сцената – изјави Селин и им се заблагодари на сите за поддршката.