По написите што ги читавме за слабеењето, еднаш засекогаш сфативме дека, покрај калорискиот дефицит, физичката активност е клучна не само за губење на вишокот килограми, туку и за обликување на фигурата. А, за навистина да успееме да се држиме до планот за вежбање, важно е типот на тренинг што ќе го избереме да биде забавен, интересен и, во однос на можностите, реален.
Возењето ролерки е еден од начините да направите нешто добро за вашата фигура и здравје, а притоа многу да се забавувате. Но, пред да одлучите да го споите убавото и корисното, дознајте кои се главните предности на оваа активност:
– Моќно согорување на калории – возрасен човек со просечна тежина може да согорува 9-10 калории во минута, па лесно е да се пресмета колку всушност ќе изгубите со возење половина час или еден час. Дали треба да ви кажеме повеќе?
– Зајакнување и градење мускули – возењето ролери е одлично за мускулите на долниот дел (листови, бутови и глутеус), но може да придонесе и за зајакнување на стомачните мускули, како и на мускулите на рацете доколку доволно ги ангажирате додека возите.
– Зајакнување на срцето – како што веќе споменавме, возењето ролери зајакнува многу мускули, вклучувајќи ги и мускулите на срцето. Всушност, Американското здружение за срце го наведува возењето ролери како најдобра физичка активност за постигнување на оваа цел.
– Мало влијание врз зглобовите – трчањето, прескокнувањето јажиња, па дури и некои вежби во теретана може да бидат катастрофални за вашите зглобови, но не и возењето ролери. Затоа речиси секој може да се занимава со оваа физичка активност без страв од ваков вид на повреди. Секако, важно е да бидете вешти во возењето за да не се повредите, а ваквиот кардио тренинг можете да го комбинирате со други омилени вежби.
– Подобрување на менталното здравје – има многу истражувања кои покажаа дека редовното вежбање го намалува стресот и го подобрува расположението, а ги прави луѓето посреќни, пофокусирани и способни да се одморат.