Ако имате неподносливи болки во зглобовите, додадете некои од овие билки во вашата исхрана и вашето тело ќе ви се заблагодари за безброј причини.
Ревматоидниот артритис, хронична воспалителна ревматска болест, е многу распространета кај денешната популација – речиси секој четврти човек во светот ја има.
Оваа болест почесто се јавува кај жените, особено на возраст од 30 до 50 години, а познато е дека првенствено ги зафаќа зглобовите, но често и внатрешните органи, кожата и нервниот систем.
Лицата на кои им е дијагностициран ревматоиден артритис имаат периоди на интензивно воспаление, кога е многу важно постојано да ја користат терапијата што им ја препишал лекарот. Дополнително, како дополнителна помош може да им послужат и промените во исхраната, а за овие зачини експертите истакнуваат дека ги ублажуваат симптомите.
Алое вера
Едно од најчесто користените растенија во алтернативната медицина секако е алое верата, која е позната по своето дејство на голем број симптоми. Меѓу нив се и болките во зглобовите, бидејќи има антиинфламаторно дејство и нема негативно влијание врз варењето.
Еукалиптус
И ова растение се користи за цела низа здравствени проблеми, а особено е корисно за ревматоиден артритис поради танините кои се наоѓаат во листовите на еукалиптусот.
Вообичаено, луѓето локално тријат есенцијално масло од еукалиптус, претходно измешано со малку масло за разредување, обично користејќи комбинација од 15 капки масло од еукалиптус со 2 лажици бадемово масло.
Ѓумбир
Коренот од ѓумбир се користи со векови во Азија поради неговите антиинфламаторни ефекти, а познато е дека го потиснува производството на леукотриен и синтезата на простагландини, кои предизвикуваат болка и воспаление, според истражувањето објавено во медицинското списание „Артритис“ во 2014 година.
Идеално е да додадете рендан корен во салати и јадења од зеленчук.
Цимет
Бидејќи циметот е многу силен антиоксиданс, тој е вредна состојка за зајакнување на целиот организам, одржување на нормално ниво на холестерол и шеќер во крвта, подобри когнитивни функции итн.
Во едно истражување, на жени кои страдаат од ревматоиден артритис им биле давани додатоци од 500 милиграми цимет во текот на осум дена, а на крајот од студијата било откриено дека нивното CRP, што е познат маркер за воспаление во телото, значително се намалува, додека забележани се и помали отоци во зглобовите.
Куркума
Еден од највредните зачини во ајурведската медицина е несомнено куркумата, која се користи за ублажување на симптомите на многу состојби, вклучително и артритис.
Студија од 2016 година покажа дека куркумата делува и против воспаленија и против болки и најдобро делува кога се комбинира со бибер, па можете да ја користите со додавање во супа од зеленчук.