Интересни податоци од неодамна спроведена анкета
Неодамна е спроведено истражување кое ја потврди теоријата дека сезоната во која сме родени влијае на нашето расположение благодарение на нашиот биолошки часовник и количината на дневна светлина при раѓањето.
Пролет
Луѓето родени во пролет имаат т.н хипертермичен темперамент, што значи дека се попозитивни од луѓето родени во другите сезони. Поради ова, луѓето родени во пролет изразуваат оптимизам, ентузијасти се и не им треба многу за да се вклучат во нешто. Често се случува да се наклонети кон уметност.
Лето
Луѓето родени во лето имаат циклотимичен темперамент, што значи дека често го менуваат расположението без посебна причина. Покрај тоа, тие се понервозни од луѓето родени во други сезони и често се опишуваат како со заљублива природа. Често ги менуваат работните места и се склони кон конфликти.
Есен
Иако можеби не очекувавте, луѓето родени во есен се најмалку склони кон депресија и покрај мрачните и врнежливи денови. Иако не се опишани како премногу позитивни луѓе, а повеќе рационални, тие имаат најмал ризик од развој на ментални нарушувања. Покрај тоа, „есенските луѓе“ често се доста физички активни.
Зима
Луѓето родени во зима се емотивно најстабилни, односно најотпорни на емоционален стрес. Истражувачите го објасниле тоа со фактот дека како бебиња во утробата на нивната мајка апсорбирале најмногу сончева енергија. Тие се водени повеќе од разумот отколку од чувствата и често се цврсти во своите ставови и цели.
Истражувањето е спроведено на примерок од 400 луѓе чиј тип на личност е поврзан со сезоната во која се родени. Фактот дека нашето расположение зависи од сезоната во која сме родени, научниците го објаснуваат со тоа што сезоната влијае на лачењето на допамин и серотонин, хормоните одговорни за расположението.