Групата Wham!, која ја сочинуваа Џорџ Мајкл и Ендру Риџли, ќе добие документарен филм кој ќе се емитува на платформата Нетфликс. Како што пишува британски „Метро“, документарецот ќе им овозможи на фановите интимен поглед зад сцената и ќе ги прикаже подемите и падовите на познатиот бенд.
Ендру Риџли ќе стои зад овој проект.
– Тимот на Нетфликс ја искористи можноста да го сними овој филм. Приказната е неверојатна и кој може да понуди подобар увид од Ендру- наведува изворот и додава:
– Тоа е навистина возбудлив проект и во него вложуваат многу средства. Ендру е многу заинтересиран и за можноста да се наврати на годините со Џорџ во бендот – иако тоа, се разбира, ќе биде горчливо искуство, вели овој неименуван соговорник.
Wham! групатс постоеше пет години, од 1981 до 1986 година. Се состоеше од Џорџ Мајкл и Ендру Риџли. Во овој период тие објавија бројни хитови како „Last Christmas“, „Careless Whisper“, „Club Tropicana“, „Freedom“, „Wake Me Up Before You Go-Go“, „Everything She Wants“, „The Edge of Heavan “,” Wham Rap”и други.
Инаку, веста доаѓа пред објавувањето на документарниот филм „George Michael: Freedom Uncut“, кој премиерно ќе биде прикажан на 22 јуни, а тоа е проширена верзија на документарниот филм од 2017 година за кариерата на Џорџ Мајкл.