Обрнете внимание!
Има многу прашања кои можат да ви помогнат да сфатите дали губите време во животот…
- Често се жалите – Дали често се жалите на работата, шефот, платата, соседите или партнерот? Ако одговорот е да, тогаш поголемиот дел од времето го поминувате на ширење негативна енергија. Негативноста нема да промени ништо, само ќе ве натера да не мрдате. Затоа, променете го вашиот начин на размислување и зборувајте повеќе за она за што сте благодарни во животот, а не за она што не ви се допаѓа во вашиот живот.
- Не го храните вашиот ум – Ако не се развивате постојано како личност и не учите нови работи, тоа значи дека сте стагнирале, исто како мирно езеро на чија површина се формира зелен талог. Слично нешто се случува со нашиот ум ако не го одржуваме активен и не учиме нови работи. Позитивните предизвици во животот ќе ви го прошират умот.
- Често зборувате негативно за себе – „Без разлика дали мислите дека можете или мислите дека не можете – во двата случаи сте во право“, мудро рекол Хенри Форд. Ако си кажете дека не сте доволно паметни за да се унапредите на работа или да започнете сопствен бизнис, ќе бидете во право. Ако си велите дека сте премногу уморни за животни промени, во право сте. Она што си го кажувате себеси станува ваша реалност. Затоа, внимателно бирајте што ќе кажете, бидејќи вашиот живот и вашите мисли се едно исто.
- Не планирате за иднината – Секогаш е најдобро да живеете во сегашноста, но понекогаш треба да гледате во иднината за да разберете каде одите. Ако немате цел или план, тогаш сте како брод кој бесцелно лебди во океанот, со надеж дека ќе завршите на добро место. Но, не треба да живеете така. Треба да креирате сопствен водич во кој ќе развиете чекор-по-чекор план кој ќе ве однесе таму каде што сакате да бидете.
- Поминувате премногу време со луѓе кои не придонесуваат за вашиот развој – Лесно ни е да се заглавиме со луѓе кои не нѐ прават подобри личности. Ако поминувате премногу време со такви луѓе, ќе стагнирате или ќе ве влечат надолу со нив. Тоа се луѓе во разговорниот говор познати како „енергетски вампири“. Тие го цицаат животот од вас и за возврат не ви даваат ништо позитивно. Побарајте друштво на луѓе во кои ќе се развивате како личност.