Долго време љубителите на модата ги етикетираат како старомодни таканаречените „бабини нокти“, но оваа сезона ги добиваат своите пет минути слава.
Овој тренд го должи своето име на неговата боја. Зад неа не се крие ништо освен обоени нокти во кафеава нијанса. Долго време овој лак се сметаше за здодевен, старомоден и неинвентивен, а беше резервиран само за баби и стари дами. Сепак, оваа боја станува сè попопуларна кај помладата генерација.
Ноктите во светло кафени и темно кафени тонови се популарни, бидејќи не само што убаво се вклопуваат во студената сезона, туку се носат и со секое парче облека. Исто така, изгледаат елегантно на едноставен начин, а особено добро се комбинираат со златен накит.
Еве неколку примери, можеби ќе најдете некоја инспирација за вашите нокти…
