Иако на пазарот има „море“ производи за нега на кожа, дамите во последно време се свртуваат кон природните и домашните лекови.
Така, на пример, жените со години користат мраз наместо скапи креми кои помагаат во решавањето на темните кругови.
За начините на кои мразот може да придонесе за подобрување на кожата, како се користи, но и колку е ефективна неговата употреба, можете да прочитате во продолжение.
Кои се предностите на мразот?
Општо е познато дека мразот се користи и за медицински цели. Масажата со мраз е секако една од најефикасните и најпроверените методи против болки во вратот и грбот.
Сепак, покрај овие придобивки, мразот, како што веќе споменавме, игра важна улога во негата на кожата. Ако, на пример, се будите отечени и вашите очни капаци се изразени, мразот е најдоброто нешто што можете да си го дозволите за себе и за вашето лице.
– Студот помага да се исцеди вишокот течност од лимфниот систем, што помага и за намалување на надуеноста на лицето – вели естетиката Лори Скаро, која седум години се занимава со производи за нега на кожа и учествува во различни тестови и истражувања на нови производи.
Како што вели, лимфната дренажа со помош на мраз го намалува отокот под очите.
„Користењето мраз под очите може да помогне да се ослободи акумулацијата на течности, да се исушат токсините и да се предизвика ефект на затегнување“, вели Лори, како што пренесува Health.
Кои се придобивките од овој третман?
Смирува воспалителни процеси – Многу луѓе кои страдаат од воспалителни состојби на кожата, како што се акни и розацеа, може да имаат корист од терапијата со мраз поради неговата способност да го намали воспалението што гo предизвикуваaт двата од овие кожни проблеми.
Намалување на видливоста на порите – мразот ја тонизира кожата, ја прави помазна и поубава, а во исто време ја намалува видливоста на порите, но и ги чисти од вишокот на себум.
Пилинг на кожата – мразот може да ја отстрани мртвата површина на кожата и да поттикне нови клетки да се развиваат на поздрав начин.
Како да направите третман со мраз?
Естетичарот Лори Скаро советува дека не треба да ставате мраз директно на лицето, бидејќи на тој начин само дополнително може да ја иритирате кожата. Наместо тоа, таа советува, завиткајте коцка мраз во тенка крпа, која ќе ја заштити кожата на лицето и рацете и почнете лесно да го масирате лицето.
„Тријте го мразот во лицето со кружни движења неколку минути“, вели таа.
Колку често треба да се применува овој третман?
– Пожелно е еднаш неделно да правите масажа со мраз. Тоа е привремен начин да го освежите лицето. И не заборавајте, мразот нема да ги избрише сите неправилности, затоа треба да си обезбедите повеќе сон, вода и добра храна – заклучила естетиката Лори Скаро.