Поради лошите стајлинзи веќе некое време е на удар на критики, како од модните експерти, така и од нејзините фанови.
Селма Хајек (55) и овојпат предизвикала бурни реакции со изборот за стајлинг. Имено, таа на 75-годишното доделување на БАФТА наградите се појавила во виолетов фустан од плиш, со длабок изрез.
Како да не било тоа доволно – стајлингот го надополнила со детали од црна чипка.
Актерката избрала дискретен накит и црни салонки. Косата ја врзала во елегантна пунџа и тоа е единствената светла точка овојпат – едноставно се согласиле критичарите.
„Овој модел на чевли, како и фустанот, беа тренди пред 15 години, денес никако не можат да поминат“, „Зошто не консултирате некој стилист пред да се појавите на црвениот тепих?“, „Ова е баш лошо, мислам дека се надмина себеси овојпат“, се само дел од коментарите на социјалните мрежи.
Од друга страна, имало и такви на кои им се допаднало ваквото издание на актерката.
„Ова е стилот на кој со години му е верна. Жената изгледа одлично и може да облече што и да посака“, може да се прочита меѓу останатото во коментари.