Сопругата на принцот Вилијам, Кејт Мидлтон, која неодамна ја понесе титулата принцеза од Велс, има многу правила кога станува збор за облекувањето, но таа брилијантно плива во рамките на границите кои ѝ се поставени.
Толку одлично што со години е на врвот на листата на најдобро облечени жени на планетата и скоро се што носи многу брзо се распродава.
Овој феномен се нарекува „Кејт ефект“ и трае со години, а најпознат случај е фустанот на Reiss кој Мидлтон го носеше на средбата со Барак и Мишел Обама и кој се распродаде неколку часа подоцна.
Royal Shoe Flashback: Michelle Obama And Kate Middleton In 2011 https://t.co/cMdq5gnCAY pic.twitter.com/tovX6E80oD
— Footwear News (@FootwearNews) April 24, 2016
Така е и со многу комбинации кои Кејт ги носеше во важни моменти, на пример кога ја објави свршувачката со принцот Вилијам, а подеднакво бунило предизвикуваат и подостапните парчиња што ги носи, како фармерки и обетки од познатите high-street брендови.
Сепак, во иднина „ефектот Кејт“ веројатно ќе работи малку побавно, а тоа не е затоа што Кејт Мидлтон повеќе не се облекува спектакуларно. Таа сè уште блеска во секоја прилика, но палатата Кенсингтон донесе одлука дека во иднина нема да кажуваат на печатот кои специфични модни куќи стојат зад облеката што ја носи принцезата.
Имено, се наведува дека вниманието на јавноста е премногу насочено кон облеката на Кејт Мидлтон, односно дека медиумите помалку се занимаваат со настаните на кои таа присуствува.
Вообичаено, кралските должности на Кејт вклучуваат здравје, деца и важни социјални прашања, па не е изненадување што Палатата сака да ја подигне свеста за нив, во споредба со она што го носеше Мидлтон.
Меѓутоа, вакво правило не е воведено за другите членови на кралското семејство, па оние кои сакаат да го копираат, да речеме, стилот на кралицата Камила сепак ќе можат да го сторат тоа штом таа некаде се појави. Што се однесува до комбинациите на Кејт Мидлтон, ние сме оставени сами да ги откриеме.