Принцезата од Велс Кејт Мидлтон знае како треба да изгледа принцезата и во радост и во тага. Умерена во однесувањето и облекувањето, таа важи и за модна наследничка на кралицата Елизабета Втора и принцезата Дијана. И по смртта на саканата кралица, секој нејзин чекор се следи со будно око, а таа беспрекорно го спроведува секој дел од протоколот.
Додека присуствуваше на оддавањето на почит на покојната кралица Елизабета Втора во Сандрингем, каде што кралицата имаше имот, принцезата од Велс изгледаше многу префинето во средно црн плисиран фустан, кој беше елегантно обвиткан со тенок капут со иста должина.
Црните чевли и црната чанта го придружуваа нејзиниот моден избор, а она што се истакна во црната комбинација беа обетките од бели бисери, кои и припаѓаа на самата кралица.
Овие обетки потсетуваат на пар обетки со дијаманти и бисер што кралицата Марија ѝ ги подарила како свадбен подарок на Елизабета Втора во 1947 година.
Обетките беа носени за време на Сребрениот јубилеј на Нејзиното Височество во 1977 година, а Мидлтон ги позајми на историско патување во Холандија во 2016 година, нејзиното прво соло патување во странство, пишува Pagesix.
Заедно со значајните бисери, принцезата од Велс носеше дијамантски крст, кој ја истакна свеченоста на моментот на сеќавање на кралицата Елизабета Втора.