Иако готвењето се подобрува со текот на времето, бројните трикови и совети можат да ви овозможат секојдневно да подготвувате храна.
Освен што ќе ви олеснат, овие кратенки ќе го забрзаат и самиот процес на готвење, што во денешно време е повеќе од добредојдено.
1. Одвојување на жолчките од белките
Во тоа многу ќе ви помогне трикот со пластичното шише, бидејќи ќе спречи излевање на жолчките. Се што ви треба е чисто и суво пластично шише. Скршете го јајцето и ставете го во сад, ставете го пластичното шише над жолчката, лесно притиснете го за да испушти малку воздух, па едноставно вшмукајте ја во шишето.
Потоа префрлете во соодветен сад.
2. Чистење на калинка
Калинката ја сакаат повеќето луѓе, но вистинска болка е да се исчисти. Бидејќи не се препорачува преполовување, бидејќи така се губи многу сок, едноставно отворете ја на четири делови.
Секоја четвртина ставете ја над поширок сад, а потоа лесно, но остро мавајте ја кората со дрвена лажица или шпатула. Зрната сами ќе испаднат без прскање и без да го исцедите сокот од ова овошје.
3. Зачувајте ја свежината и бојата на компирот
Ако ги исечете компирите многу порано пред подготовката, тие ќе поруменат, што лесно може да се избегне. Чувајте ги исечените компири во сад со ладна вода, што ќе ги спречи да ја променат бојата.
4. Забрзување на процесот на зреење банани
Ако во продавницата најдете само зелени или незрели банани, ставете ги во хартиена кеса. Овошјето ослободува етилен кој ќе остане во кесата и на тој начин бананите ќе созреат за неколку дена.
5. Спречете ја даската за сечење да не се лизга
Професионалните готвачи секогаш ставаат влажна кујнска крпа под даската за сечење. Ова помага да се спречи нејзиното лизгање, што го прави сечкањето храна многу побезбедно и побрзо.