Емотивна исповест на пејачката Сека Алексиќ: „СЕ НАДЕВАМ НА ПРОШИРУВАЊЕ НА СЕМЕЈСТВОТО“

По борбата за потомство, Сека Алексиќ не се обидува да сокрие колку ужива како мајка на момчињата Јаков и Јован.

Таа нагласува дека целосно и го промениле животот, а кога се тие во прашање, подготвена е на се.

– „Кога ќе станете мајка, животот ви се менува толку многу, едноставно гледате на се околу вас поинаку. Трудете се да се дружите само со луѓе кои ви даваат позитивна енергија, барем така беше во мојот случај. Тешко ми беше да добијам потомство. Сега, фала му на Бога, ситуацијата е тотално поинаква и уживам да сум мајка на моите две момчиња. Се надевам дека наскоро ќе го проширам семејството – рече Сека, а потоа продолжи да зборува за тоа кои според неа се клучните квалитети на мајката.

– „Според мене, секоја мајка мора да поседува љубов и несебично давање, од таму почнува се. Се трудам на моето семејство да му пружам безусловна љубов, мислам дека тоа е најпрекрасната работа која мајката може да му ја даде на своето семејство. Би жртвувала се за моите деца, живеам за нив, дишам за нив, тие ми се најсветото нешто. Секако дека има многу предизвици во родителството, секогаш се трудам да бидам присутна во секоја ситуација кога е во прашање воспитувањето на моите синови“ – истакна пејачката.

Алексиќ неодамна за тамошните медиуми изјави дека се надева на проширување на семејството, а и дека нејзиниот Јаков би сакал да има сестра, по име Софија.