Еден од најпопуларните филмови од почетокот на 2000-тите, чии цитати сè уште ги користиме за да опишеме ситуации во секојдневниот живот, секако е „Ѓаволот носи Прада“ со Ен Хатавеј и Мерил Стрип во главните улоги.
Тоа е безвременска приказна за женската сила, трансформацијата и безмилосниот свет на бизнисот што отвори некои други перспективи за многумина од нас. Иако би сакале да видиме продолжение на хитот од 2006 година, Хатавеј за The View откри зошто тоа не би било добра идеја.
„Не сум сигурна дека ќе дојде до тоа бидејќи филмот беше во сосема поинаков период. Сега сè стана дигитално, а „Ѓаволот носи Прада“ беше фокусиран на концептот за производство на физичко списание. Сега сè е поинаку.“ објасни актерката.
Иако Vogue, по кој е засновано имагинарното модно списание од филмот Runway, сепак секој месец објавува физички магазин, поентата на актерката е многу валидна бидејќи се повеќе брендови се свртуваат кон дигитални изданија.
Сепак, Хатавеј признава дека не се спротивставила да размислува како ќе се одвива приказната.
„Тоа е примамливо да се мисли дека Енди и Емили треба да ѝ однесат кафе на Миранда, а таа е некаде во Европа и по пат го земаат Стенли Тучи во италијански ресторан. Тоа е примамливо, но мислам дека тоа нема да се случи. Би можеле да го направиме повторно, ако земеме нови луѓе“, додаде актерката.
Хатавеј неодамна го ископира нејзиниот легендарен стајлинг од хит филмот, седејќи покрај долгогодишната уредничка на Vogue, Ана Винтур, која служеше како инспирација за иконскиот филм. Во адаптацијата на истоимениот роман, Ен ја играше Енди Сакс, помошник на напорната модна уредничка Миранда Пристли, а за улогата на Миранда, Мерил Стрип заработи номинација за Оскар.