Мафините се омилениот десерт на многумина, а состојките за оваа варијанта можете да ги изматите за пет минути, а потоа се што треба да направите е да седнете до рерната додека прекрасниот мирис се шири низ куќата.
Трикот е во јогуртот, кој му дава сочност на колачот, додека ренданата кора од лимон е тука за посебен вкус на цитрус.
Состојки:
240 грама брашно
100 грама шеќер
½ лажичка сол
1 лажичка сода бикарбона
2 лажички прашок за пециво
60 грама путер
2 лажици млеко
1 јајце
240 милилитри густ јогурт
2 мандарини
рендана кора од лимон
Подготовка:
Во сад измешајте брашно, шеќер, сол, прашок за пециво и сода бикарбона.
Растопете го путерот, оставете да се излади, потоа додадете млеко, јајце и јогурт и сè убаво измешајте. Потоа постепено додавајте ги сувите состојки додека мешате и убаво измешајте додека не ги скршите сите грутчиња.
Додадете една лажица рендана кора од лимон и сечканата мандарина, па повторно добро измешајте.
Истурете ги во чашките за мафини додека не се наполнат ⅔, па печете во загреана рерна на 200°C околу 20 минути.
Оставете да отстои 5 минути, па извадете и послужете со чај, кафе, сок од портокал…