Филмот „E.T. the Extra-Terrestrial“ од 1982 година, кој раскажува за обидот на вонземјанин да се врати дома, стана легенда, а сега дел од ова остварување излегува на аукција. И тоа каква. Аукцијата „Icons and Idols: Hollywood“, организирана од Julien’s Auctions и Turner Classic Movies (TCM), ќе понуди механички модел на вонземјанинот, а ако имате околу три милиони, колку што се проценува овој предмет, можете да го имате .
Механичкиот модел на овој вонземјанин има 85 механички зглобови и на него се движи речиси се, од очите до вратот. Секако и прстот со кој го известил својот нов пријател Елиот дека сака да „телефонира дома“, пишува Hina.
Со овој модел, кој се смета за инженерско ремек дело, ракуваа 12 професионални аниматори. Создаден е од италијанскиот дизајнер на специјални ефекти Карло Рамбалди.
„Тим од куклари помогнаа да се оживее вонземјанинот и да комуницира со неговите мали пријатели Елиот (Хенри Томас) и неговата помала сестра Герти (Дру Баримор)“, рече Мартин Нолан, управен директор на Julien’s Auctions.
Погледнете го трејлерот: