За нега на коса можете да користите и масла, особено ако врвовите се суви и оштетени од фарбање, фенирање, шатирање… ви го предлагаме третманот „slugging“.
Сите жени кои внимаваат на косата се трудат да и дадат дополнителна нега покрај редовното миење и регенератор, но често немаат време за долги третмани кои би дале најдобар ефект.
Идеално би било да ставите посилна маска за коса или масло на целата должина на косата пред да ја измиете и да ја оставите да делува барем неколку часа. Бидејќи во текот на денот обично не знаеме кога попрво заради обврските, останува една можност – ноќта кога за време на спиењето се трудиме да одвоиме време за нега.
За да го направите ефектот на препаратот посилен, а целиот третман што е можно попрактичен, пробајте ја техниката на убавата Моника, која популарниот „slugging“ од кожата го пренела на косата. Да се потсетиме, англискиот „slugging“ (од англискиот збор slug – полжав) е понов начин на нега на лицето за кој се користи вазелин. Обилно нанесен на кожата, има оклузивно дејство, односно ги „заклучува“ сите слоеви на производи за нега кои сте ги нанеле на исчистениот тен. Во текот на ноќта, вазелинот ја одржува кожата хидрирана и го подобрува ефектот на активните состојки.
Нешто слично прави и Моника со својата коса. Нејзината долга плетенка се чешла навечер и се мачка со лесно, хранливо масло по целата должина. Сите знаеме колку може да биде непријатна пластичната капа што жените обично ја ставаат на главата за да не намачкаат масло на се околу себе. Затоа оваа вешта тикокерка користи мека платнена чорапа која ја врти одвнатре, ја става косата и ја прицврстува на дното на тилот со мека трака за коса, попозната како скранчи.
Во текот на ноќта маслото делува, а наутро косата е мека и сјајна како свила, а навлаката за перница е целосно чиста.