Не постојат универзални правила на заведување и секој си наоѓа личност за себе низ животот.
Сепак, може да се каже дека постојат работи и начини на однесување кои навистина секому му одат на нерви.
Според Ана Беј, која на својот канал на Јутјуб се занимава со совети за заведување, особено богати мажи, движењата и изразите на лицето кои жените ги прават на состаноците можат и да го оддалечуваат мажот, без разлика на изгледот или доблестите на жената.
Имајте на ум дека и Ана Беј е мажена, а нејзиниот канал го следат повеќе од милион луѓе, па се чини дека жените навистина и веруваат.
Според Ана, голем број жени прават „сексуализирани гестови“, како од шега, така и од желба да заведат маж. Ова вклучува истакнување на облините и напрчување на усните.
– Се што е пренагласено изгледа глупаво. Дополнително создава чудна атмосфера, а на мажите не им се допаѓа – тврди Ана. Таа додава дека несвесните движења се сосема друга работа, сосема нормални и не треба да се мешаат со вежбана „кореографија“.
На листата на забранети работи, Ана додава и машки движења. Затоа, избегнувајте да одите со раширени раце или да пиете од флаша. Мажите ги привлекуваат жени кои се однесуваат како жени, а не како деца или мажи, како што вели таа.
Дополнително, Ана советува да не избегнувате да гледате директно во очи, бидејќи ќе се однесувате како нешто да криете.