Зголемувањето на внесот на диетални влакна, протеини и волуменот на храната ќе ве држи сити подолго време после оброкот
Многу луѓе, иако имаат редовни оброци, многу често чувствуваат глад веднаш по јадењето. Можеби ви се случило штом појадувате да не поминале ни два часа, а да имате чувство дека можете повторно да јадете.
Нутриционистката Нада Фогт открива три докажани начини да останете сити подолго време после оброкот и подетално објаснува како да го постигнете тоа:
- Зголемете го внесот на диетални влакна
Влакната имаат многу придобивки, вклучително и помагањето да останеме сити подолго време, со што природно се намалува желбата за храна.
Повеќето од нас треба да се стремат кон околу 30 грама диетални влакна дневно.
Пробајте сад со овесна каша или житарки богати со растителни влакна со лен или чиа семе, прелиени со омилениот јогурт и овошје!
Додадете грав, наут или леќа во тестенините, супата и салатата.
Спарете протеин и скроб со зелена салата, додадете малку јаткасти плодови, семки и/или авокадо.
- Доволен внес на протеини
Истражувањата покажуваат дека богат (доволно) протеински појадок ја зголемува ситоста и го намалува гладот подоцна во текот на денот!
„Секогаш ги охрабрувам моите клиенти да вклучат извор на протеини во повеќето оброци, како и во ужиите!“
Пробајте каша направена со грчки јогурт.
Направете смути од банана, малини и мелен лен со вашиот омилен протеински прав!
Започнете го утрото со изматени јајца со зеленчук и тост леб од цели зрна.
- Доволен внес на волумен на храна
Механорецепторите лоцирани во желудникот и цревата се активираат со истегнување на ткивото. Јадењето храна која има волумен создава поголема содржина на храна во цревата, што влијае на намачување на чувството на глад.