Иако веројатно веќе знаете дека популарната чанта Хермес Биркин го носи името на иконата на францускиот стил Џејн Биркин и дека можеби ќе треба да почекате неколку години за да го добиете ова култно парче, има уште неколку интересни факти кои ви ги пренесуваме подолу:
1. За да се направи една чанта потребни се 48 часа.
Во Хермес, фабриката сè уште не го достигнала нивото на другите брендови каде што секој дизајнер работи на неколку работи истовремено. За да се направи една Биркин потребни се 48 часа, односно повеќе од една недела бидејќи таа работа ја работи еден човек.
2. Најскапиот Биркин на светот е продаден за 380.000 долари.
На аукцијата на Кристи во Хонг Конг, таинствен купувач платил 380.000 долари за моделот обложен со дијаманти и таа станала најскапата чанта. Станува збор за модел наречен Хималаја од 2014 година, изработен од крокодилска кожа со 205 детали со дијамантски навртки и токи од 18-каратно злато.
3. Повеќе вреди да се инвестира во чанта Биркин отколку во злато.
Вредноста на оваа култна луксузна женска чанта се зголеми во последните 35 години за 500 отсто, што е побрза стапка на раст од онаа што ја забележа златото на американскиот пазар. Според истражувањето, од 1980-тите, вредноста на златото слабее со стапка од 1,5 отсто годишно, додека чантата Birkin скокна за 14,2 отсто, со што ја доби титулата „најбезбедна инвестиција на пазарот“.
4. Приказната за создавањето на Хермес Биркин датира од 1981 година, кога Џејн Биркин го запознала Жан-Луј Думас на авионски лет.
Џејн Биркин го запознала тогашниот директор на Хермес така што ја ставила својата позната сламена чанта во преградата над седиштето, кога ѝ испаднале сите работи. Таа му објаснила на Думас дека ѝ е тешко да најде кожна викенд чанта што ѝ се допаѓа, па тој ѝ дизајнирал црна мека кожна чанта во 1984 година, врз основа на претходен дизајн. Останатото е историја.
5. Џејн Биркин секогаш носи само една чанта. Во моментов го има петтиот модел.
Познатата Џејн секогаш носи само една чанта, во неутрална боја, додека целосно не ја износи. Потоа ја донира во добротворни цели и добива нова. Додека ја носи, таа и дава свој личен шмек украсувајќи ја со разни додатоци, на пример беџови и налепници, со цел чантата да изгледа помалку формално, а повеќе во француски стил.
6. Празна Биркин чанта тежи речиси еден килограм.
Можеби на почетокот не ви изгледа многу, но кога во него ќе ги ставите мобилниот телефон, паричникот, клучевите, шминката и другите неопходни работи, може да биде доста тешко да ја носите.
7. Само сината верзија на чантата Birkin се произведува во повеќе од 25 нијанси.
Иако неутралните бои се најпопуларни, чантата Birkin може да се најде во сите бои од спектарот. Според Би-Би-Си, само во сина боја, оваа ексклузивна чанта се произведува во повеќе од 25 нијанси, меѓу кои најпопуларни се Blue Jean, Mykonos и Bleu Roi.
