Секогаш кога ќе се спомене Кејт Мидлтон, се подразбира софистицираност и непогрешлив моден вкус. Војвотката од Кембриџ покажа и зошто поимот добар стил беше претставен на забава во Бакингемската палата, на која присуствуваше во придружба на нејзиниот сопруг принцот Вилијам.
Во едноставен ментол боја фустан, кој на многу суптилен начин ја истакна нејзината беспрекорна фигура, војвотката може да биде инспирација и моден водич за многу жени за различните настани кои ги очекуваат.
И не е секогаш во прашање материјалната вредност на креацијата, потписот на нејзината етикета или комбинација со елегантен фасцинатор како оној што го носи Кејт Мидлтон. Покрај ставот на дамата која носи тоалет, магичната формула е во линијата и женственоста што го истакнува фустанот како оној што го одбрала војвотката.
Фустан со средна должина, нежни материјали, малку нагласени раменици и долги ракави кои ја прават раката уште поелегантна, заедно со чевлите на високи потпетици, му даваат на телото одреден степен на софистицираност.
И Кејт Мидлтон често се одлучува за овие модели.
Без разлика дали е во V или целосно затворен, како што го има војвотката, одговара на секоја, и многу свечена и донекаде опуштена пригода. Сцената на која ќе настапи може да биде церемонија како свадба, елегантен деловен состанок, театар, важна вечера …
Може да се плисира и долниот дел од фустанот кој ја покрива ногата до половина од листот, но ефектот на елеганција ќе остане ист. А што е особено важно, фустаните од ваков крој исклучително го истакнуваат струкот.
Во зависност од времето од денот кога се носи и приликата за која е избран, фустанот се одредува според материјалот и бојата, како и придружниот аксесоар.
Но, клучните елементи на нејзината форма оставаат доминантен впечаток, како оној што војвотката го предизвикува со секое нејзино појавување. Треба да се учи од најдобрите.