Триесеттите години е посебна деценија, онаа во која дефинитивно престануваме да бидеме млади девојки, но повеќето сè уште не сакаат да се нарекуваат жени бидејќи тоа им звучи премногу сериозно.
Во своите триесетти, многу дами свесно или несвесно внесуваат одредени промени кога станува збор за изгледот. Го менуваат стилот, гардеробата, па дури и фризурите.
Секако, не постои пишано правило кое вели дека треба да изгледаме вака или онака во триесеттите години, но четвртата деценија од животот со себе носи одредени промени во животот на повеќето жени.
Кога станува збор за гореспоменатите фризури, постојат три кои многу жени во триесеттите ги избегнуваат. Проверете кои се тие подолу.
1. „Мама“ фризури
Иако многу жени во нивните 30-ти се мајки, тоа не значи дека треба да ја имаат класичната кратка „мама фризура“. Жените во триесеттите многу добро знаат дека им претстои уште цел живот и дека ќе има доволно време за кратки фризури, па освен ако не сакаат да ја потстрижат косата од други причини, во триесеттите не се одлучуваат за драстично потстрижување на нивната коса само затоа што достигнале одредени години.
2. Фризури во луди бои
Влегувањето во триесеттите претставува одредена пресвртница во животот. Тоа е, како што веќе спомнавме, декадата во која жените повеќе не се млади девојки, но не се сметаат ниту за зрели жени. Сепак, промените се случуваат, а една од тие промени е тоа што многу дами сепак ќе ги избегнат драстичните, луди промени на бојата на косата кои беа совршено во ред во 20-тите, но изгледаат малку претерано во 30-тите.
3. Екстра долга коса
Според експертите за коса, во одреден момент стигнуваме до возраст кога со преголема коса може да изгледаме постари отколку што сме, особено жените со седа коса.
Затоа триесеттите се кога можеби нема да ја скратиме косата, туку да се откажеме од екстра долгата коса и да избираме малку пократки верзии на долги фризури, освен ако не сме подготвени за чести посети на фризер кој ќе и помогне на нашата коса секогаш да изгледа совршено и покрај должина.
