Потребна е многу храброст да се отворите кон некого и да го пуштите во вашето срце. Ова е особено тешко за луѓето кои едноставно се плашат од љубов. Доколку сте родени во еден од овие три хороскопски знаци, можеби имате љубовна фобија.
За некои нема ништо подобро од заљубување до уши. Во главата им се раѓа романтична идеја дека остатокот од животот ќе го поминат со одредена личност, па не бегаат од отвореноста за длабоките чувства од самиот почеток. Сепак, тоа е многу различно за оние кои имаат проблем да ја покажат својата ранлива страна и да се отворат со некого. На тоа се додава стравот од отфрлање и кршење на срцето. Затоа, според хороскопот, на следните хороскопски знаци им е многу тешко да се заљубат.
Лав
Луѓето родени во знакот Лав веруваат само на една личност: на себе. Иако се сметаат себеси за самоуверени и немаат проблем да запознаваат нови луѓе, припадниците на овој хороскопски знак често се повлекуваат кога чувствата ќе влезат во игра. Стравот од злоупотреба на довербата и скршеното срце е преголем, поради што својата фобија од љубов можат да ја потиснат само со личност која им дава голема сигурност и покажува голема посветеност.
Девица
Што ако тој или таа сè уште се гледа со други? Што ако неговите чувства не се доволно силни? Аналитичката Девица стои сама на патот кон заљубувањето. Таа ги врти сите сценарија во нејзината глава, што за жал ја спречува да го слуша нејзиното срце. Во страв дека другите ќе си поиграат со нејзините чувства, Девицата гради заштитен ѕид околу себе што само искрена и духовна личност може да го урне.
Стрелец
Потребно е само малку флерт и авантуристички опуштените Стрелци веднаш се „ловат“. Но, за жал, одеднаш станува сериозно! Кога ќе сфатат дека развиваат чувства кон некого, се појавува нивната застрашувачка страна и често следи повлекување. Стрелците можат да се ослободат од љубовната фобија само доколку потенцијалниот партнер е толку неформален и опуштен што и тие се чувствуваат крајно безгрижно и слободно со него. Ова го отстранува стравот на Стелецот од врска и тој не мора да се плаши за својата слобода, пишува „Miss7“.