Маслиновото масло е познато и се користи со векови за кулинарски, здравствени и козметички цели. И додека неговата огромна разновидност на употреба секако не може да се оспори, постојат ситуации и дејства кога тоа треба да се избегнува. Затоа, пред да полиете маслиново масло, запрашајте се дали сте го избрале најдобриот производ за одредена намена. Еве кога дефинитивно треба да се избегнува.
За пржење
Многу експерти веруваат дека изложувањето на висока топлина ги менува својствата на мастите и маслата. Особено маслиновото масло има ниска точка на чад, помеѓу 185-215 степени Целзиусови. Точката на чад се однесува на точката во која маслото почнува да произведува чад. Кога го загревате маслиновото масло до точката на димење, корисните соединенија како полифенолите се трансформираат во потенцијално штетни соединенија.
Иако маслиновото масло можеби не е идеалното масло за готвење на висока температура, сепак може да се користи за готвење на пониски температури за да се зачува содржината на хранливи материи.
За печење на скара
Многу рецепти препорачуваат маринирање на зеленчук и месо на скара во маслиново масло и зачини, па дури и премачкување на решетката со маслиново масло за да спречите лепење на храната. Иако ова веројатно нема да ви наштети, исто така не ви прави ништо добро, бидејќи маслиновото масло ќе изгори, ќе создаде пламен, па дури и ќе ја направи вашата храна без вкус.
Иако за печењето на скара не е потребно масло, решетките мора да бидат добро подмачкани пред печењето. Се препорачува премачкување со масло со повисока точка на горење, како растително масло или масло од семки од грозје.
За нега на лице склоно кон акни
Многумина се колнат во придобивките од додавањето маслиново масло во балсамите за коса, навлажнувачите, маслата за масажа, домашните сапуни, лосиони и пилинг. Сепак, и покрај сите негови квалитети, маслиновото масло може да направи хаос на кожата која веќе е склона кон појава на акни. Тоа е затоа што маслиновото масло е она што во жаргонот за нега на кожата е познато како „комедогено“, што значи дека може да ги затне порите. Наместо тоа, експертите препорачуваат сончогледово масло, кое воопшто не ги затнува порите, масло од вечерна јаглика или масло од арган, пренесува “Centar zdravlja”.