Непроспиените ноќи звучат совршено кога мислиме на романтични моменти и вечери со пријателите, но кога станува збор за ноќите кои доаѓаат наутро пред работа, тоа не е толку чудесно. „Главната причина што не држи будни е нашиот внатрешен монолог“, велат експертите.
Како да се ослободите од несоницата и побрзо да заспиете, дознајте во интересните совети на неврологот Светлана Саенко.
Метод 4-7-8
За да научите брзо да заспивате, оваа метода треба да ја практикувате два пати на ден во период од два месеци.
– Поставете го врвот на јазикот над горните заби
– Затворете ја устата и вдишете низ носот додека одбројувате четири секунди
– Задржете го здивот седум секунди
– Издишете полека преку устата осум секунди. За време на издишувањето испуштајте звук како кога дишете
– Вежбата треба да ја повторувате додека не ви требаат само 60 секунди за да заспиете.
Техника на вдишување и издишување
Со повеќето техники, се препорачува издишувањето да биде еднакво на вдишувањето, бидејќи телото се смирува и се релаксира за време на издишувањето. При вдишување се случуваат апсолутно спротивни процеси.
Секоја фаза на дишење – вдишување, запирање и издишување – мора да се направи во рок од пет секунди. Постепено зголемувајте го времетраењето на секоја фаза на шест до осум секунди, но не повеќе од десет. Главниот фокус треба да биде издишување. Со регулирање на дишењето, наскоро ќе почувствувате поспаност и ќе заспиете.
За да заспиете со овој метод, треба да дишете, броејќи ја секоја фаза: вдишете – еднаш, издишете – два, вдишете повторно – три итн. Дишете низ устата, умерено длабоко и продолжете да броите до десет – тогаш циклусот мора да се повтори. Обично не се потребни повеќе од три циклуси за да заспиете.
Техника на обратно трепкање
Легнете удобно, опуштете се и затворете ги очните капаци. Во редовни интервали – пет до петнаесет секунди – отворете ги очите за момент, а потоа затворете ги повторно. На овој начин ќе трепнете „обратно“ – процес кој го смирува телото и ве подготвува за сон.