Ноктите се показател за здравјето, но и дел од негата на рацете и стапалата што покажува колку се грижиме за себе. Ако тие се бледи и имаат брчки, можеби страдате од анемија или едноставно се сушат поради агресивни средства за чистење.
Ако се синкави, тоа е знак за слаба циркулација или недостаток на кислород. Најчестиот проблем, сепак, се кршливите нокти, што значи дека имате недостаток на витамини или минерали.
За среќа, има решение и за овој проблем. Лекот е, меѓу другото, во храната.
Јадете храна која е богата со калциум, желатин и витамин Б комплекс. Брчките на ноктите ќе се намалат ако внесувате витамин Д, а фолната киселина и витаминот Ц помагаат при кутикулите и лупењето на ноктите. Јадете повеќе пилешко и риба, а корисен е и зелен лиснат зеленчук, како спанаќ, брокула и кељ. Вклучете бобинки во вашата исхрана.
Ноктите можете да ги „храните“ со домати, слатки компири, моркови и пиперки, а различните семки и јаткасти плодови ќе ги зачуваат вашите нокти и ќе ги направат цврсти и здрави.
Меѓутоа, ако треба да ги зацврстите плочките за нокти однадвор, сокот од лимон е дефинитивно најдобар. Исечете го лимонот на половина, исцедете го сокот, а потоа подмачкајте ги плочите за нокти. Постапката повторувајте ја еднаш дневно додека не го постигнете посакуваниот резултат.