Со природна козметика до убавина
Мача е висококвалитетен зелен чај, мелен во прав. Медитативниот чин на подготовка, презентирање и пиење мача е столбот на јапонската чајна церемонија.
Зелениот чај во прав е широко популарен ширум светот, во пијалоци како „мача-лате“, како состојка за готвење – од сладолед до преливи, а неговата употреба во козметиката станува сè попопуларна.
Направете маска за темни кругови под очите, со помош на само 2 состојки: мача и јогурт. Земете прстофат мача и измешајте го со една лажичка јогурт. Готовата смеса нанесете ја на темните кругови и оставете 10 минути. Повторете ја постапката неколку пати, а темните кругови практично ќе исчезнат.