Добриот сон е од витално значење ако сакате да се разбудите одморени и подготвени да започнете нов работен ден. Но, ако вие или вашиот партнер ‘рчите, веројатно сте толку уморни што не можете да се сетите кога последен пат сте спиеле осум часа непрекинато.
‘Рчењето може да укаже и на здравствени проблеми, како што е апнеја при спиење.
Како некои луѓе можат да го „замолчат“ своето ‘рчење и на тој начин да си помогнат себеси и својот партнер?
За среќа, експертот за спиење Кетрин Хол откри еден лесен трик кој може да го спречи ‘рчењето. Нејзиниот совет вклучуваше гласно повторување на самогласките во текот на денот.
Самогласките се изговараат со помош на мускулите во грлото. Со повторување на самогласки, можете да помогнете во тонирање на тие мускули.
Можеби на почетокот изгледа малку смешно, а веројатно звучи уште посмешно, но навистина функционира судејќи според професионалците. Идејата на вежбата е постепено да се зајакнат мускулите на грлото, а повторувањето на гласовите A-E-И-O-У е совршен начин за тоа. Можете исто така да правите вежби за уста за да го замолчите ‘рчењето – да, тоа навистина постои.
Еден лесен начин да го направите ова е да го поместите крајот на јазикот назад по горното непце.
Има уште еден совет! Ако се туширате наутро, обидете се да се префрлите на вечерен туш. Тоа е затоа што ‘рчењето понекогаш може да биде предизвикано од тесен назален премин. Пареата што се создава додека се туширате пред спиење ќе ви помогне да ги навлажнете носните пасуси, а за возврат ќе ви овозможи подобро да дишете и подобро да спиете.