На 21 мај 1945 година се одржа една од најважните славни свадби на сите времиња. Станува збор за венчавката на холивудската златна двојка Лорен Бекол и Хемфри Богарт, која влезе во американската и светската историја.
Во 1938 година, на 40-годишна возраст, Богарт по трет пат се оженил со актерката Мајо Мето. Треба да се каже дека и неговите први две сопруги биле актерки. Бракот со Мајо Мето всушност заврши во 1944 година, кога Богарт беше избран за главната улога во филмот „Да се има и да не се има“. Причина за тоа беше неговата колешка на снимањето, 20-годишната Лорен Бекол, висока, атрактивна девојка со мачкини очи, која медиумите ја нарекуваа „машкојадец“, но таа го гледала само него.
Како што еднаш опиша во своите мемоари „By Myself“, хемијата меѓу нив била неверојатна.
– Не беше можно јас и Боги да бидеме во иста просторија, а да не се свртиме еден на друг. Не беше само физичко… Главата, срцето, нашите тела, сè се обидуваше да се спои.
Колку била поинтензивна нивната афера, толку повеќе неговата трета сопруга Мао Мето се обидувала да го спаси нивниот брак, а Богарт се чувствувал заробен, што го натерало да пие се повеќе и повеќе. Во доцните ноќни часови знаел да и се јави на Бекол, откако испил неколку чаши и ѝ кажувал колку му недостига.
– Никогаш не верував дека некогаш ќе сакам некого толку многу… Толку многу работи ми се случија во животот што едноставно се плашев повеќе да ги сакам… Драга моја, се плашам да не те изгубам, но ако тоа се случи, никогаш нема да престанам да те сакам… Ти си мојата последна љубов и ќе го поминам остатокот од мојот живот сакајќи те и ќе бидам тука за тебе кога и да ти треба – пишувало во љубовното писмо што славниот Хемфри Богарт и го испратил на својата четврта сопруга – актерката Лорен Бекол.