Уште едно достигнување на радарот на режисерот
Том Круз очигледно го соборил Тарантино од нозе.
Режисерот во подкастот ReelBlend го пофали актерот и продолжението на дејството од 1986 година, велејќи дека „го сака Топ Ган: Маверик“.
– Обично не зборувам за нови филмови, бидејќи тогаш или морам да кажувам само добри работи или да намалам нечиј успех на кино благајните. А не сакам да го правам тоа. Но, во овој случај – апсолутно го сакам „Топ Ган: Маверик“. Мислам дека е фантастичен – изјави Тарантино.
– Тоа и „Приказната од западната страна“ на Спилберг ми приредија вистински филмски спектакл, каков што мислев дека никогаш повеќе нема да видам – рече тој.
Долгогодишниот режисер, исто така, ја забележа „почитта и љубовта“ кон режисерот на оригиналниот филм, покојниот Тони Скот, „во секој кадар“ на продолжението во режија на Џозеф Косински.
– Толку многу ја сакам кинематографијата на Тони Скот, и толку многу го сакам Тони што ова е најблиску до уште еден филм на Тони Скот – изјави Тарантино.
– Косински завршил одлична работа.
Продолжи и рече дека може да види референци на Скот, кој почина во 2012 година на 68-годишна возраст, во „речиси секоја одлука“ низ „Маверик“.
– Мислам дека тие се ставени намерно и дека се провлекуваат низ секоја одлука што ја носеше Том Круз во филмот.