Иако звучи малку чудно, ова се пресудни и навидум неважни детали
Дури и да сте самоуверени, без комплекси и задоволни со својот изглед, тоа не е гаранција дека ќе успеете да го освоите мажот кој ви паднал во око во бар или ресторан.
Затоа е одличен совет секогаш да се дружите со шанкерите и келнерите за да ги добиете нивните докажани совети и да дознаете што знаат, гледаат… Шанкерите ги гледаат таквите работи подобро од другите, па ако некогаш се двоумите, прашајте ги за совет.
Не е сеедно каде седите на шанкот, особено ако сакате да запознаете некого. Што и да правите, не седете на крајот од шанкот – тоа е буквално ничија земја.
Подобра идеја е да седнете во толпа, а особено добро место е она каде седат група мажи. Имено, големи се шансите да почнат да разговараат со девојката кога ќе видат дека е блиску до нив и дека седи сама.
Поздравете ги луѓето околу вас
Претставете им се на шанкерот и луѓето околу вас во барот. Создавањето нови пријателства е позитивно, а не негативно, а пријателството е одличен почеток за нешто добро.
Заборавете на мобилниот телефон
Тешко е да сретнете некого ако сте постојано зафатени со гледање во мобилниот и затоа заборавете дека го имате – ставете го на незујно за некој да не ви го одвлече вниманието во клучен момент, можеби токму кога ќе почнете да разговарате со човекот од вашите соништа.
Нема да биде крај на светот ако некој не може да ве добие час или два.
Насмевнете се
Никој не сака да разговара или да излегува со личност која изгледа мрачно и нерасположено, а особено никој нема да и пријде на таква личност. Ако, на пример, остварите контакт со очи со маж во барот, насмевнете се, дури и ако тој не е ваш тип.
Никогаш не се знае, неговиот пријател би можел да биде момчето што го барате.
Изберете ја вистинската ноќ
Келнерите велат дека вторник, среда и четврток се одлични денови (ноќи) за соло излегување. И понеделник може да биде добар, но бидејќи е прв ден од работната недела, лесно е можно многу самци да не излезат барем на тој ден.
Вторник, среда и четврток се убави денови бидејќи тогаш луѓето обично закажуваат деловни вечери, излегуваат на пијачка со пријателите или едноставно треба да се релаксираат после работа.