Поминуваат децении, трендовите се менуваат, но тексасот е константен тренд.
Без разлика на сезоната, тексас парчињата секогаш наоѓаат начин да бидат во фокусот, но кога станува збор за пролет и лето – тексас фустанот е нивниот суверен владетел!
Откако различните кроеви влегоа во мода и излегоа од неа, се чини дека деновиве тоа се секакви тексас фустани.
Се носат и оние со трегери и кошули-фустани, гледаме модели со секакви должини и форми, а особено се популарни ретро моделите кои го оживуваат стилот на седумдесетите, осумдесеттите и деведесеттите.
Сепак, не секој може да го носи секој тексас фустан, ниту пак да се комбинира на кој било начин. Доколку сакате да се почестите со такво безвременско парче, овие трикови би можеле да бидат корисни.
Овие совети би можеле да бидат корисни доколку планирате да го зачините вашиот секојдневен стил оваа сезона со ова впечатливо парче.
Тексас кошула-фустан
Овој модел на тексас фустан е секако најпопуларен, а најдобро изгледа кога се носи со боса нога, односно без чорапи и со бели патики. Сепак, доколку сакате малку поелегантен изглед, пробајте го овој фустан со еспадрили со крената пета!
Тексас фустан со трегери
Фустаните со трегери имаат малку ретро призвук и – исто како и панталоните со трегери – дефинитивно не се за секого.
Треба да најдете модел само за вашата линија и, секако, паметно да ги комбинирате, а најчесто се носат со обични маици и еспадрили или балетанки, но убаво изгледаат и со патики.
Овој модел овозможува нежен и младешки изглед, па со него е дозволено да се мешаат парчиња за младите: розова маичка или со апликации од цртани ликови, нацртани минијатурни ананаси, откачена капа итн. Секако, избегнувајте вакви фустани кога од вас се очекува да се дотерате.
Тексас фустан со копчиња
Фустанот што целосно се копча напред е сличен на кошула-фустан, но генерално не се смета за „продолжена кошула“.
Овој модел пред неколку години наголемо го врати на сцената Алекса Чанг, а најчесто станува збор за фустан од малку подебел и покрут материјал, па може да се носи во комбинација со чорапи.
Кога станува збор за обувките, одличен начин да носите таков тексас фустан е да го комбинирате со некои чевли за секој ден, како што се oxfords, а ако е потопло, ќе изгледа одлично со балетанки.
Тексас бохо фустан
Кој вели дека тексас фустаните се резервирани за спортски стил и строго кежуал варијанти?
Доколку се одлучите за бохо моделот, можете да изградите многу шик аутфит со духот на седумдесеттите! Најдобро од се, можностите за комбинирање со обувки се многубројни: патики, балетанки, сандали, влечки, но и еспадрили, високи потпетици, чизми со различна висина, а доколку налетате на многу елегантен модел, можете дури и да поминете со бели салонки и капа.
