Оптималниот дневен внес на вода варира од личност до личност.
Повеќето луѓе мислат дека осум чаши се доволни за оптимално здравје и варење и тоа е добро правило, но вистината е дека не постои стандардна количина на вода што сите треба да ја пиеме.
Мудро е да го слушате вашето тело за да го одредите вашиот идеален внес на вода. Пиењето вода не само што има корист за нашето здравје, туку е најважното нешто што можете да го направите за вашето тело. Бидејќи сите клетки користат вода, апсолутно е неопходно да бидете добро хидрирани.
– Водата е транспортер на супстанции и хранливи материи низ телото. Важна е за регулација на температурата, потењето е начин на вашето тело да ја ослободи топлината и да ве лади. Водата за пиење исто така може да ги исфрли токсините, да ги „подмачка“ зглобовите, да помогне во ублажување на запек, да ја подобри концентрацијата, енергијата, еластичноста на кожата, расположението и целокупното здравје, вели експертот Дру Синатра за „Real Simple“.
Дневно препорачан внес на вода
Кога станува збор за идеалната количина на вода што треба да ја консумираме, повеќето здравствени експерти генерално препорачуваат да се пијат околу два литра дневно.
– Оваа количина може да вклучува вода, други течни пијалоци и храна во вода – вели Серена Пун, нутриционист.
Постојат неколку дополнителни фактори кои помагаат да се одреди колку вода треба да пиете дневно:
– возраста
– нивото на активност
– исхраната
– климата
Како да знаете дали пиете доволно вода?
Испитајте ја бојата и зачестеноста на урината
– Одличен начин да се измери дали внесувате доволно вода е бојата и зачестеноста на вашата урина. Мокрењето на секои 90 минути до два часа е нормално. Ако вашата урина има темно жолта боја, веројатно не сте доволно хидрирани. Ако вашата фреквенција на одење во тоалет е на секои 30 минути и вашата урина е целосно чиста, можеби пиете премногу вода.
Обрнете внимание на еластичноста на вашата кожа
Уште еден начин да се добие претстава за нивото на вашата хидратација е да ја проверите еластичноста на вашата кожа.
-Стиснете ја кожата на задниот дел од раката неколку секунди, а потоа пуштете ја. Ако вашата кожа брзо се врати на своето место, веројатно сте добро хидрирани. Ако е потребно време да се врати во нормална положба, може да сте дехидрирани, вели Синатра.