Научниците сугерираат дека вакцините против коронавирусот се безбедни за луѓе со ревматски и мускулно-скелетни заболувања, а веројатноста дека тие ќе предизвикаат напади, нагло влошување на симптомите на основната болест, е помала од 5 проценти.
Наодите се базираат на податоци од 5.121 пациент во 30 земји.
Помалку од еден процент од пациентите развиле сериозни напади на основната болест по вакцинацијата, утврдија научниците.
Општо земено, влошените симптоми се со поголема веројатност да се појават кај пациенти со активна болест, според извештајот објавен во Annals of the Rheumatic Diseases.
„Важно е да се напомене дека егзацербациите на болеста може да се појават како дел од болеста, а забележаните проценти на егзацербација на основната болест се компатибилни со природната историја на болеста и не мора да бидат предизвикани од вакцините SARS-CoV-2. “, рече д-р Педро Масадо од Колеџот во Лондон.
Најголем дел од испитаниците примиле Pfizer
Просечната возраст на учесниците во истражувањето била 72 години, а повеќето од нив биле жени.
Многумина имале воспалителна болест на зглобовите, болест на сврзното ткиво или васкулитис и примале различни комбинации на антиревматски лекови, имуносупресиви и други лекови.
Повеќето од нив ја примиле вакцината Fizer/Bayontek (70 проценти), потоа AstraZeneca (17 проценти) и Moderna (8 проценти).
„Нашите наоди треба да обезбедат сигурност на ревматолозите, другите здравствени работници и оние кои ја примаат вакцината и да промовираат доверба во безбедноста на вакцинацијата против коронавирус кај луѓето со воспалителни ревматски заболувања“, вели д-р Масадо.