Оваа паста има ефективни состојки кои заедно прават чуда за негата на кожата
Доколку ви пречат влакната на надусниците, оние на челото, покрај залистоците или, воопшто, на кое било место на лицето, направете домашна паста за совршено мазна кожа!
Овој едноставен рецепт се состои од три намирници кои сигурно веќе ги имате дома, со кои ќе направите паста за депилација на лицето. И пробајте – можеби во иднина само така ќе се ослободувате од влакната на лицето.
За оваа домашна паста за депилација на лицето ни е потребен мед: тој е вистинско природно и корисно чудо, бидејќи содржи бројни антиоксиданси и витамини. Втората состојка е овесот, кој ја регулира pH вредноста на кожата и ги отстранува мртвите клетки. Потребен ви е и лимон, кој ќе ја направи вашата кожа сјајна и ќе го забави растот на новите влакна.
Состојки:
- 2 лажици мед
- 2 лажици сок од лимон
- 1 лажица ситно мелени овесни снегулки
Подготовка и примена:
Измешајте ги сите состојки за да добиете леплива паста. Потоа нанесете ја на саканите места на лицето, и масирајте со нежни и кружни движења. Тријте во спротивна насока од растот на влакната за целосно да ги отстраните. На крајот, отстранете ги остатоците од пастата со млака вода и нанесете хидратантна крема на кожата.
Совет: За оптимални резултати, повторете ја целата процедура два до три пати неделно.