Тој е покорисен отколку што мислите
Фенот за коса, секако, најчесто се користи за сушење и фенирање.
Сепак, некои луѓе откриле други начини на кои може да се користи овој мал апарат за домаќинство што го има секоја куќа.
Многу е корисен и за чистење на домот, но веројатно ќе се изненадите како може да се користи во подготовка на храната.
Прашина на тешко достапни места
Можете да користите фен за да ја отстраните прашината од сите тешко достапни места, како и предметите што не можете да ги избришете со влажна крпа, како книги. Вклучете ладен воздух на фенот и насочете го кон правливиот предмет. Многу е корисен за вештачки цвеќиња, светилки, полици за книги, компјутер, резбано дрво и стилски мебел.
Траги од мрсни бои
Децата можат да се заиграат и да ги обојат ѕидовите со мрсни бои. Меѓутоа, ако имате фен за коса, навистина не треба да се грижите за тоа. Заедно со него подгответе и сунѓер натопен во малку детергент. Прво, насочете го топлиот воздух од фенот на извалканиот дел од ѕидот или мебелот и поставете го што е можно поблиску. Кога бојата ќе почне да се топи, избришете ја со влажен сунѓер.
Ги отстранува налепниците
Налепниците од убаво обликуваните тегли или шишиња што сакате да ги зачувате и да ги користите на друг начин може да се отстранат со фен за коса. Едноставно вклучете ја највисоката температура и држете на налепницата за да се стопи лепилото. Ова е одличен трик кој ве спасува од триење и стругање.
Декорација на торти
Кога сакате да намачкате глазура, а таа да биде совршено рамна, фенот за коса е многу подобар избор од шпатула или лажица. Едноставно со ладен воздух разлејте ја глазурата преку тортата, а доколку сакате да има малку повеќе сјај, потоа вклучете топол воздух.