Понекогаш навистина имаме впечаток дека бојата на косата е она што ги привлекува мажите. Не е тајна дека некои мажи претпочитаат русокоси, додека други се колнат во бринети. Дали некогаш сте се запрашале зошто е тоа и што кажува за некоја личност? Некои студии покажаа дека жените со посветла коса се попопуларни кај мажите и дека русокосите во просек имаат побогати сопружници.
Едно истражување покажало и дека русокосите се сметаат за попристапни, па мажите полесно и почесто им приоѓаат. Мажите им припишуваат различни квалитети на жените врз основа на нивната боја на коса.
Експертите открија дека црвенокосите изгледаат потемпераментни во машките очи, додека бринетите се гледани како арогантни, но од друга страна попривлечни и поинтелигентни.
Значи, ако мажите бараат сериозни партнерки, постои голема веројатност да изберат црнокоса жена. Тезата дека мажите претпочитаат русокоси, но дека сепак се женат со бринети ја потврди и студија во Велика Британија.
Дури 52 отсто од испитаниците не отстапиле од ставот дека животот е многу подобар со партнер со темна коса. Секој петти испитаник истакнал дека русокосите се посекси, но дека би излегувале само со бринета бидејќи според нив се посигурни, понежни и можат да дадат повеќе љубов.
Овој став го потврдија и француските научници, но се занимаваа и со прашањето дали дамите со златна коса полесно се заведуваат од другите жени.