Долго време го немавме видено синот на Меган Маркл и принцот Хари, но сега се појави неговата најнова фотографија на која се гледа колку се променил
Станува збор за снимка направена за време на видео повик во која учествувале Меган Маркл, основачот и извршен директор на консултантската фирма „Full Circle Strategies“ Јотака Иди и експертот за политичка стратегија Дона Бразили.
Меган била придружувана од нејзината мајка Дорија Рагланд, додека Арчи и седел во скут.
На социјалните мрежи не им требаше многу време за да почнат да коментираат колку Арчи се променил, а многумина заклучија дека тој сега многу повеќе личи на својата мајка.
На интернет може да се види колаж направен од три слики на принцот Хари и Меган кога биле деца, заедно со најновата слика на Арчи.
Да се потсетиме, 3-годишниот Арчи е првото дете на кралската двојка, а е роден во 2019 година како Арчи Харисон Маунтбатен-Виндзор.
Интересно е што на првиот ден од американската турнеја на Кејт Мидлтон и принцот Вилијам, која започна во Бостон, беше објавена нова фотографија од малиот Арчи, а идниот крал и кралица наводно одбиле да се сретнат со Хари и Меган.
Многумина коментираат како Меган повторно одлично темпирала за да им земе дел од медиумскиот колач, а пред неколку дена беше објавен и првиот трејлер на Нетфликс за документарниот филм за Хари, Меган и нивното семејство.
„Очигледно не поднесува да не биде во центарот на вниманието“, „Сè прави намерно“, „Искалкулирана е, ништо не е случајно“, се само дел од коментарите кои деновиве кружат на мрежата.