Објавени се номинациите за Оскар, а меѓу нив беа и Пенелопе Круз и нејзиниот сопруг Хавиер Бардем.
Двојката вчера присуствуваше на традиционалниот заеднички ручек кој е организиран за сите номинирани за престижната награда на Американската академија за филмски уметности и науки и веднаш привлекоа внимание на црвениот тепих. Акцентот секако е на убавата Пенелопе која со помош на едноставен розов фустан ги остави сите во сенка.
Како и секогаш, Шпанката му остана верна на модниот бренд Шанел, а овој пат облече мини розов фустан од букле, украсен со светкави копчиња. Оваа креација ненаметливо ја истакна згодната фигура на актерката, а целата комбинација беше заокружена со намалени црни сандали со тенок ремен. Во преден план се нејзините беспрекорно извајани раце и нозе, но и едноставноста на креација која Пенелопе ја носи како секое гламурозно парче.
Како што повеќето модни трендови ги диктираат холивудските ѕвезди, така и сега убавата Пенелопе најави целосна доминација на розовата боја. Реномираните модни дизајнери нагласуваат дека светлите бои како оваа се хит на пролетта и непогрешлив избор во вашата гардероба. Така таа е клучниот мотив на новата колекција на модната куќа Валентино, а изминативе денови имавме можност да видиме неколку познати дами во различни нијанси на розова боја.
Да потсетиме, Пенелопе Круз беше номинирана во категоријата за најдобра главна женска улога во филмот „Паралелни мајки“, додека Хавиер Бардем беше номиниран за улогата во филмот „Да се биде Рикардос“.