Покрај тоа што е неопходен за градење и одржување на здрави коски, витаминот Д е важен за одржување на имунитетот и менталното здравје, поттикнување на добар сон и регулирање на апетитот. И тоа не е сѐ…
Витаминот Д, особено ценет во моментот на корона, го произведува нашето тело кога се активира со директна сончева светлина во кожата, а делумно може да се апсорбира преку исхраната, односно суплементите, но во многу помала мера.
Според најновите истражувања, витаминот Д спречува остеопороза, депресија, рак на простата, рак на дојка, влијае на дијабетесот и дебелината.
Дали ви недостасува?
Можни симптоми на недостаток на витамин Д се чести инфекции и болести, болки во мускулите и коските, дијабетес, депресија, хронична болест на непцата, тешко зараснување на раните, висок крвен притисок, замор и поспаност, промени во расположението, прекумерна тежина, проблеми со варењето, алергии или губење на косата.
Неколку факти за витаминот Д.
- Нашата кожа произведува витамин Д кога е изложена на сончева светлина – УВ зрачење од природен извор.
- Лековитите зраци на сонцето, од кои кожата произведува витамин Д, не можат да поминат низ стаклото. Затоа, кога сте дома, во канцеларија или автомобил, вашата кожа не произведува витамин Д.
- Речиси е невозможно да се добијат соодветни количини на витамин Д од исхраната. Изложеноста на сончева светлина е единствениот сигурен начин да се внесе доволно од овој витамин.
- Потребно е да се испие 10 чаши млеко, збогатено со витамин Д, за да се внесе минималната количина на овој витамин во организмот.
- Колку подалеку живеете од екваторот, толку подолго треба да бидете изложени на сонце за да добиете доволно витамин Д.
- На луѓето со темна кожа им треба 20-30 пати повеќе сонце, за да ја добијат истата количина на витамин Д како и белите луѓе. Затоа ракот на простата е многу чест кај црнците – се должи на недостаток на витамин Д.
- Доволно количество на витамин Д е пресудно за апсорпција на калциум во организмот. Без витамин Д, нашето тело не може да апсорбира калциум, што значи дека суплементите на калциум се бескорисни доколку на телото му недостасува витамин Д.
- Хроничниот недостаток на витамин Д не може да се реши преку ноќ. Потребни се месеци и месеци изложување на сонце или земање витамин Д во форма на додаток во исхраната за да се врати овој витамин на коските и нервниот систем.
- Дури и слабите креми за сончање (SPF 8) го блокираат производството на витамин Д за 95 проценти! Со создавање на недостаток на витамин Д во телото, овие креми за сончање предизвикуваат болест.
- Не е возможно да се „предозира“ со витамин Д. Телото само го регулира процесот на создавање на овој витамин од сончевите зраци, создавајќи онолку колку што му е потребно.