За оваа кукла треба да потрошите малку повеќе пари отколку за слични играчки
Раперот Слободан Вељковиќ Цоби ја изненади јавноста кога на своите следбеници преку Инстаграм им покажа дека се продава кукла со неговиот лик, како што имаше и Лепа Брена!
Имено, во одредени продавници сега на полиците може да се најде мала играчка Цоби, исто како што порано имаше Барбика со ликот на Лепа Брена.
Малку е да се каже дека обожавателите беа изненадени, а некои мислеа дека куклата е направена по ликот на светски познатиот рапер Канје Вест. Оваа играчка е целосно стилизирана како раперот, па има очила за сонце кои често ги носи Цоби, длабоки чизми и тексас јакна и фармерки.
За оваа кукла потребно е да се издвојат малку повеќе пари отколку за слични играчки, дури 4.000 денари, па не е чудно што на социјалните мрежи брзо се поведе полемика, пред се за куклата, а потоа и за парите што треба да се издвојат за нејзино купување.
– Не знам што си мисли овој Цоби, дека е голема ѕвезда? Колку што слушнав, оваа негова кукла се продава во кинеските продавници! Само не знам од каде е храброста да се стави оваа цена. Па кој ќе ја купи – гласи еден од коментарите.
Да се потсетиме, познатата кукла со ликот на Лепа Брена и денес има купувачи, а се продава на Интернет на специјализирани веб-страници за половни производи. Поминаа повеќе од 30 години од промоцијата на Барбиката, која тогаш се викаше Барби Лепа Брена, бидејќи овој производ беше лансиран со албумот „Boli me uvo za sve“, кој е и саундтрак на филмот „Hajde da se volimo 3 – Udaje se Lepa Brena“ од 1990 г.
Барбиката Брена денес вреди од 3.000 до 30.000 динари, а цената зависи од нејзината сочуваност и опремата што оди со неа. Куклата обично се продава во комплет со капа и кутија, со костим и црвени чизми на долгите нозе.
