Направете вкусен и здрав намаз од авокадо
Состојки:
четири кришки интегрален леб
две авокада
три тврдо варени јајца
прстофат сол
прстофат бибер
сок од еден лимон
Подготовка:
Излупете ги јајцата и исечете ги на коцки. Излупеното авокадо изгмечете го со вилушка. Исцедете со сок од лимон и додадете ги јајцата.
Додадете сол и бибер, па добро измешајте. Со овој намаз премачкајте ги парчињата интегрален леб и послужете.
Пријатно јадење!